【彈出彈入】甸恩 is back！被貶落英冠半個月，甸恩宣告重返英超！

因為判決成日引起爭議，所以名哨甸恩無幾耐之前，就俾英足總踢左去英冠。正當全世界球迷都覺得大快人心之際，甸恩居然返黎啦！

喺英超官網既最新球證名單入面，居然發現甸恩個名，呢位「痴線佬」將會喺英超第24輪既賽事入面，為曼城對史雲斯執法，仲會喺侯城主場出戰利物浦既比賽入面，擔任第4球證添！

屈指一算，甸恩只係被人罰左落去英冠半個月，就成功重返英超啦，而佢喺呢半個月入面，佢都仲係有錯判囉！咁快俾佢返上黎，天道何在呀？