【抽到乾】古迪：巴塞可以反勝巴黎，我希望入第5球嘅係碧基！

喺皇家馬德里以3：2反勝維拉利爾比賽入面，出現左一球爭議性十足既十二碼，而一向口水多多既巴塞隆拿後衛碧基，就喺網上暗示球證偏幫銀河艦隊，因為令到十二碼出現既手球，其實係波打手。

對於碧基既言論，皇馬名宿古迪除左進行反擊之外，都對巴塞隆拿喺歐聯以4：0大敗俾巴黎聖日耳門既賽果，抽左一下水。

古迪咁講：「我真心希望巴塞可以喺歐聯晉級，佢地絕對有能力攻入PSG 4球架，但如果有得俾我揀，我希望攻入第5球既人係碧基，因為佢係少數願意為球隊利益出聲既人，值得成為上演反勝既主角。」