【係咪大細超先】同樣拉起波衫慶祝，但係基沙文唔洗食牌？
喺今輪嘅西甲聯賽入面，馬德里體育會以就3：0大勝華倫西亞，而上半場就入波嘅基沙文，就做左一個相當sweet嘅舉動，就喺將入球送俾女朋友慶祝生日，但係奇怪嘅係，呢位法國前鋒居然喺拉起件波衫之後，冇被判罰黃牌喎，到底點解呢？
入波之後，基沙文拉件起波衫，展示底衫上面寫住既「FELIZ CUMPLE GORDITA！！！」好多人以為，呢句說話係為咗鼓勵上場傷出嘅費蘭度托利斯早日康復，但係呢句說話嘅意思其實係「生日快樂呀，肥妹！」所以，基沙文呢個慶祝動作，係送俾女朋友架。
不過，值得爭議嘅係，皇家蘇斯達前鋒祖安美日前都做過類似嘅慶祝動作，而目的就係為左紀念啱啱逝世嘅西班牙運動員Pablo Raez，但係佢就被判黃牌喎，到底點解呢？
原來祖安美同基沙文嘅動作，有一個最大的差別，就係基沙文冇將件波衫掀過頭，而球例就寫明，將件波衫拉到過頭，先叫做「除波衫」，所以基沙文咪唔洗食牌囉。
入波之後，基沙文拉件起波衫，展示底衫上面寫住既「FELIZ CUMPLE GORDITA！！！」好多人以為，呢句說話係為咗鼓勵上場傷出嘅費蘭度托利斯早日康復，但係呢句說話嘅意思其實係「生日快樂呀，肥妹！」所以，基沙文呢個慶祝動作，係送俾女朋友架。
不過，值得爭議嘅係，皇家蘇斯達前鋒祖安美日前都做過類似嘅慶祝動作，而目的就係為左紀念啱啱逝世嘅西班牙運動員Pablo Raez，但係佢就被判黃牌喎，到底點解呢？
原來祖安美同基沙文嘅動作，有一個最大的差別，就係基沙文冇將件波衫掀過頭，而球例就寫明，將件波衫拉到過頭，先叫做「除波衫」，所以基沙文咪唔洗食牌囉。