【不得了】摩連奴承認,正游說某位傳奇回歸曼聯!

「愛‧回家」係近年轉會市場運作既新潮流,而喺法國中場普巴舊年回巢曼聯之後,紅魔教練摩連奴就表示,好希望再為球隊招來一位熟悉既面孔,而呢位人兄就你費格遜啦!


摩連奴咁講:「費格遜當年離開曼聯,令到好多人都覺得唔捨得,而爵爺本人其實都唔太想返黎紅魔既團隊,因為重返奧脫福對佢黎講,可能會帶黎少許既痛苦,但係喺我加盟球隊之後,費Sir都返左黎,仲會跟埋我地一齊去比賽添。」

「事實上,我曾經希望費格遜同大軍一齊出戰客場既比賽,但係爵爺佢有D怕羞,但係我地一定要令佢感受到曼聯既愛。」


照咁睇,其實費格遜依家都未算正式返去曼聯,起碼佢依家都無一官無職喺身,都係隨軍出戰客場既比賽,就成功為球隊帶黎好大既鼓舞,咁費Sir始終係紅魔既傳奇教頭黎既!訪問既最後,摩連奴承認自己下一步,將會喺邀請費格遜喺賽前進入更衣室,為球員打氣!希望你成功啦!

如果喜歡我們的文章,請即分享到︰

標籤: 費格遜  摩連奴