【真相大白】多蒙特炸彈案的疑犯落網，犯案動機在於「炒股票」！

仲記得多蒙特隊巴炸彈案嗎？日前，德國警方發表官方聲明，指佢地經已拉左一位疑犯，佢既身份係一位擁有德、俄國籍既28歲男人，而襲擊多蒙特既原因就係因為股票。

據了解，呢位疑犯喺爆炸案發生之前，以78000歐元既價錢，賣左15000股既多蒙特股票，如果蜜蜂軍團既股價喺短期內大幅下跌，就會令到佢賺大錢，所以佢就計劃左呢次既炸彈案，而今次既爆炸就令到多蒙特既股價，從每股5.738歐元跌到去5.421歐元。

值得一提既係，疑犯仲特登喺現場留低左一啲指向恐怖組織既證據，務求令警方發現唔到自己。不過，呢位犯人最終都係難逃法網，順利被拘捕。

今次既炸彈案，令到多蒙特中堅巴查出現骨折既情況，仲間接造就蜜蜂軍團喺歐聯8強出局，影響都幾大架，但係勢估唔到，策動襲擊既原因只係因為炒股票，係唔係恨錢恨到咁呀？