【賤精先生】毫無悔意！阿當莊遜與獄友大談「衰十一」

喺新特蘭依家身陷降班危機既同時，有冇球迷會記起因為「衰十一」而被拉去坐監既阿當莊遜呢？日前，有英國媒體就公開咗一段關於呢位英格蘭球員既對話短片，而喺片中，阿當莊遜就同其中一位獄友，對「衰十一」高談闊論。

https://www.youtube.com/watch?v=_2VZ2xgFqJI
好明顯，今次既短片係屬於偷拍形式，所以有好多球迷都認為，片入面所講既全部都係阿當莊遜既真心話，其中包括一句：「如果我係一個普通人，法庭同埋個女仔既家人好可能就唔會搞大件事。」

短片入面既主要內容，主要係圍繞阿當莊遜同另外一位獄友講到自己入獄既原因，包括點樣認識位受害人，同埋自己到底有冇強姦對方。喺交談當中，阿當莊遜再一次提到自己冇強姦到任何人，仲話自己冇喺受害人面前展示過性器官，根本就侵犯唔到對方。
不過，阿當莊遜當日承認咗有同受害人親吻，同埋觸摸對方既私處，所以法庭一樣照告得入佢。據了解，英國法院喺舊年既7月，判阿當莊遜性侵罪成，並判處6年既監禁。