【突發消息】曼聯決定唔同伊巴謙莫域續約！
由於喺對陣安德列治既比賽入面受傷，令到瑞典前鋒伊巴謙莫域需要接受至少9個月既休戰，而值得一提既係，「呂布」同曼聯既合約將會喺今季完結之後到期，而一直好希望完成續約既紅魔，喺態度上似乎出現180度既轉變。
英國《鏡報》報導，曼聯決定唔會再同伊巴謙莫域續約，因為呢位前聖日耳門球員已經35歲，喺傷愈歸來之後都未必可以重拾勇態，再加上續約完成之後，意味住紅魔要一直出糧俾高人工既伊巴，而喺經濟既角度上去諗，續約絕對唔係一個有益既行為。
不過，曼聯都唔會對伊巴用完即棄既，有消息人士透露，紅魔會喺「呂布」好返之前，為呢位瑞典老將繼續提供醫療援助，總算係對伊巴既最後一點心意。
如果消息屬實，即係代表曼聯肯定會喺今個夏天買前鋒，而馬德里體育會既基沙文、拜仁慕尼黑既利雲度夫斯基同埋拖連奴既比洛迪，都係紅魔目標之一。
《鏡報》
http://www.mirror.co.uk/sport/football/news/man-united-offer-zlatan-ibrahimovic-10275840
英國《鏡報》報導，曼聯決定唔會再同伊巴謙莫域續約，因為呢位前聖日耳門球員已經35歲，喺傷愈歸來之後都未必可以重拾勇態，再加上續約完成之後，意味住紅魔要一直出糧俾高人工既伊巴，而喺經濟既角度上去諗，續約絕對唔係一個有益既行為。
不過，曼聯都唔會對伊巴用完即棄既，有消息人士透露，紅魔會喺「呂布」好返之前，為呢位瑞典老將繼續提供醫療援助，總算係對伊巴既最後一點心意。
如果消息屬實，即係代表曼聯肯定會喺今個夏天買前鋒，而馬德里體育會既基沙文、拜仁慕尼黑既利雲度夫斯基同埋拖連奴既比洛迪，都係紅魔目標之一。
《鏡報》
http://www.mirror.co.uk/sport/football/news/man-united-offer-zlatan-ibrahimovic-10275840