【叻仔】莫拉達超越賓斯馬，成為皇馬的第二射手！
今輪西甲，皇家馬德里作客以6：2大勝拉科魯尼亞，而客隊前鋒莫拉達，就成功刷新隊內紀錄，以18個入波成為繼C.朗拿度之後，銀河艦隊既第二得分法寶。
喺對住拉科魯尼亞既比賽入面，莫拉達喺開波後既52秒就入波，為皇馬先開紀錄，而呢一球亦都係「達仔」職業生涯入面，第二快既入球。
統計指出，莫拉達今季經已喺各項賽事為皇馬入咗18球，成為隊內既第二射手。排名第一既當然係葡萄牙球星C.朗拿度啦，CR7今季既球會入球數字就有31個。
至於排名第三既，就係法國射手賓斯馬，佢既入球數字有17個，但係值得一提既係，莫拉達得到既正選機會比起賓斯馬少，所以照咁計，「達仔」既效率係高強過賓斯馬，難怪唔少既皇馬球迷都呼籲教練施丹重用呢位前祖雲達斯球員啦！
喺對住拉科魯尼亞既比賽入面，莫拉達喺開波後既52秒就入波，為皇馬先開紀錄，而呢一球亦都係「達仔」職業生涯入面，第二快既入球。
統計指出，莫拉達今季經已喺各項賽事為皇馬入咗18球，成為隊內既第二射手。排名第一既當然係葡萄牙球星C.朗拿度啦，CR7今季既球會入球數字就有31個。
至於排名第三既，就係法國射手賓斯馬，佢既入球數字有17個，但係值得一提既係，莫拉達得到既正選機會比起賓斯馬少，所以照咁計，「達仔」既效率係高強過賓斯馬，難怪唔少既皇馬球迷都呼籲教練施丹重用呢位前祖雲達斯球員啦！