【阻擊貪污】英超賽會介入，阻止中國財團收購修咸頓！

從舊年開始，關於中國財團萊茵體育（Lander Sports Development）收購修咸頓既消息，已經傳得火紅火綠，甚至有傳股權既易手，就係差簽約呢一步姐。

不過，英國《每日郵報》較早前就報導咗相關既最新消息，話萊茵體育既背後金主高繼勝，曾經捲入兩宗既賄賂案，其中一單仲係涉嫌向國家人員行賄，所以英超賽會決定介入今次既股權轉換，阻止萊茵體育向修咸頓進行收購。

由於萊茵體育今次用黎收購修咸頓既2億鎊資金入面，有70%都係來自借貸，所以英超賽會擔心資金既來源唔乾淨，所以決定介入事件。英超賽會既介入，意味住萊茵體育對修咸頓既收購，落得失敗既收場。