熱刺作客輕取錫菲聯 賽後三大亮點
熱刺作客3-1擊敗錫菲聯，總算冇再喺尾段失波，成功全取三分，特別係今場至少冇再喺領先之後全軍退守。今場波都有唔少值得留意嘅地方，有以下幾個亮點。
1. 3-4-3陣式
老實講，我都冇諗過今場突然用3-4-3，印象中今季用過三四次，原來效果都幾好。熱刺今日打3-4-3效果唔錯，進攻依然有火力，靠邊路同前線球員，防守雖然偶有犯錯但三個中堅整體穩健，中場控制力比起對手冇太大輸蝕。唯一美中不足嘅係老孫同貝雲積表現麻麻，雖然已經好落力，各自交出一個助攻，但老孫今日發揮唔多，貝雲積更加長期失蹤。其實3-4-3呢個陣式都可以考慮吓喺未來嘅比賽使用，熱刺踢出嚟嘅效果都唔錯，帶嚟唔少正面嘅影響。
2.祖朗頓
祖朗頓又係另一個驚喜，賽前都估唔到佢會壓過艾達維特擔正，更加估唔到有咁出色嘅表現。朗頓今場打右中堅，能夠為經常前插助攻嘅奧希爾補位，防守做得好好。高大得嚟原來佢嘅速度都唔錯，多次化解對方嘅攻勢，上半場更加有一次及時以速度壓過對方前鋒麥高迪歷，破壞佢嘅半單刀。除此之外，佢統領防線嘅工作都做得非常之好，不時見到佢指揮後防球員，假以時日一定可以成為防線嘅領袖。
3.左右翼衛
奧希爾攻強守弱，3今場有多個中堅協助防守包抄，能夠掩蓋佢防守麻麻嘅弱點，可以更頻密地上前助攻，好好利用身形同速度，亦都成功取得一個入波。另一邊域基朗進攻同樣強勁，今日打三中堅令佢可以多啲插上參與進攻，試過策動反擊，亦都經常引球上前，或者疊瓦助攻，絕對能夠發揮進攻嘅才華。呢一對翼衛亦會回防，參與邊路嘅防守，跑動多。三中堅陣式嘅翼衛防守壓力同責任較細，佢哋花咗更多時間係進攻方面，表現唔錯，能夠兼顧防守與進攻，充分發揮各自嘅優點同掩飾缺點。
球員評分
Lloris 6/10
Rodon 8/10 Dier 6/10
Davies 6.5/10
Aurier 8.5/10
Ndombele 8/10
Hojbjerg 6.5/10
Reguilon 7/10
Bergwijn 5.5/10
Kane 8/10
Son 6.5/10
第一次完場後即刻寫賽後評，我諗都係我先會夜媽媽仲咁癲寫到1點......
1. 3-4-3陣式
老實講，我都冇諗過今場突然用3-4-3，印象中今季用過三四次，原來效果都幾好。熱刺今日打3-4-3效果唔錯，進攻依然有火力，靠邊路同前線球員，防守雖然偶有犯錯但三個中堅整體穩健，中場控制力比起對手冇太大輸蝕。唯一美中不足嘅係老孫同貝雲積表現麻麻，雖然已經好落力，各自交出一個助攻，但老孫今日發揮唔多，貝雲積更加長期失蹤。其實3-4-3呢個陣式都可以考慮吓喺未來嘅比賽使用，熱刺踢出嚟嘅效果都唔錯，帶嚟唔少正面嘅影響。
2.祖朗頓
祖朗頓又係另一個驚喜，賽前都估唔到佢會壓過艾達維特擔正，更加估唔到有咁出色嘅表現。朗頓今場打右中堅，能夠為經常前插助攻嘅奧希爾補位，防守做得好好。高大得嚟原來佢嘅速度都唔錯，多次化解對方嘅攻勢，上半場更加有一次及時以速度壓過對方前鋒麥高迪歷，破壞佢嘅半單刀。除此之外，佢統領防線嘅工作都做得非常之好，不時見到佢指揮後防球員，假以時日一定可以成為防線嘅領袖。
3.左右翼衛
奧希爾攻強守弱，3今場有多個中堅協助防守包抄，能夠掩蓋佢防守麻麻嘅弱點，可以更頻密地上前助攻，好好利用身形同速度，亦都成功取得一個入波。另一邊域基朗進攻同樣強勁，今日打三中堅令佢可以多啲插上參與進攻，試過策動反擊，亦都經常引球上前，或者疊瓦助攻，絕對能夠發揮進攻嘅才華。呢一對翼衛亦會回防，參與邊路嘅防守，跑動多。三中堅陣式嘅翼衛防守壓力同責任較細，佢哋花咗更多時間係進攻方面，表現唔錯，能夠兼顧防守與進攻，充分發揮各自嘅優點同掩飾缺點。
球員評分
Lloris 6/10
Rodon 8/10 Dier 6/10
Davies 6.5/10
Aurier 8.5/10
Ndombele 8/10
Hojbjerg 6.5/10
Reguilon 7/10
Bergwijn 5.5/10
Kane 8/10
Son 6.5/10
第一次完場後即刻寫賽後評，我諗都係我先會夜媽媽仲咁癲寫到1點......