史上首次「腦震盪換人」！韋斯咸傷3人但換入超過半隊
英格蘭球壇上個月啟動咗一個名為「腦震盪換人」嘅新規則，根據呢個規則，除咗以往嘅3個換人名額之外，再額外增加兩個「腦震盪換人」名額，呢兩個名額適用於頭部受傷，或者疑似可能出現腦震盪嘅球員，唔佔原有嘅3個換人名額。
而呢條新例，今日就喺曼聯與韋斯咸嘅足總盃比賽上首次應用。
上半場，曼聯前鋒馬迪爾與韋斯咸後衛迪奧普爭頂時火星接地球，結果「鎚仔幫」就用咗「腦震盪換人」呢個名額，換入費特歷斯，頂替受傷嘅迪奧普。https://www.youtube.com/watch?v=KpSlrNBxRS0
講起韋斯咸，今場就真係黑仔到爆，16分鐘已經有奧邦拿扭傷離場，由迪奧普入替，可惜後者又因呢次相相撞退下火線，之後又有烏克蘭前鋒耶莫蘭高亦喺下半場早段受傷被換走，一場波就傷咗3個人。而由於英格蘭足總盃本身已經可以每場換5人，再加上「腦震盪換人」名額，所以韋斯咸今場足足換咗6次人，超過咗半隊波。
而呢條新例，今日就喺曼聯與韋斯咸嘅足總盃比賽上首次應用。
上半場，曼聯前鋒馬迪爾與韋斯咸後衛迪奧普爭頂時火星接地球，結果「鎚仔幫」就用咗「腦震盪換人」呢個名額，換入費特歷斯，頂替受傷嘅迪奧普。https://www.youtube.com/watch?v=KpSlrNBxRS0
講起韋斯咸，今場就真係黑仔到爆，16分鐘已經有奧邦拿扭傷離場，由迪奧普入替，可惜後者又因呢次相相撞退下火線，之後又有烏克蘭前鋒耶莫蘭高亦喺下半場早段受傷被換走，一場波就傷咗3個人。而由於英格蘭足總盃本身已經可以每場換5人，再加上「腦震盪換人」名額，所以韋斯咸今場足足換咗6次人，超過咗半隊波。