超級第12人？球僮埋伏柱邊護空門救主成功

球僮，我哋俗稱「拾波仔」，嘅主要任務就係拾波，幫助比賽順利進行。但日前一場非洲嘅足球比賽，有一位球僮就突然喺空門前扮演咗球員嘅角色。

喺阿爾及利亞一場二級聯賽中，黑色衫球員喺一次快攻中射穿對方門將，眼看個波將會滾入空門時，突然一名早已埋伏喺門柱嘅球僮走出嚟，大腳解圍，成功救出呢球必入波，然後就拔足而逃。

最後，球證雖然判罰呢位球僮出場，但佢亦判球童嘅解圍屬於「球場內嘅不可抗力」，因此黑色衫呢球波都係無入到網嘅。
https://www.youtube.com/watch?v=HlQzQFgBOko