世上有3件事是必然會發生的：死亡、收稅、華拿空門飛機！

國際賽場，雖然強隊德國以4比0輕鬆擊敗冰島，但車路士嘅前鋒添姆華拿（Timo Werner）又一次成為網民焦點，因為佢再再再再一次錯失破門機會，而佢面對嘅係比大海更大嘅空門。

雖然添姆華拿今場有波入，但其實佢今場波接二連三錯失機會，其中兩次係單刀，或者半單刀情況下，單對單面對門將射門太正全無角度被門將輕易救到，而最離譜嘅都可以話係以下呢球。當時佢接應右路傳中，個波越過守門員與後衛，來到添姆華拿面前，只要掃把腳一盪就入，偏偏佢面前空無一人射失。