我真係恭喜你呀！侯克又做老豆，BB阿媽係前妻侄女？

巴西球員風流成性就係人知，今日嘅主角係35嘅巴西前鋒侯克（Hulk），事關佢搞大咗女朋友個肚，再次做老豆！

侯克喺網上同女友發佈一張攞住超聲波嘅相，向外公佈呢個喜訊，然而有趣嘅係呢位靚女同侯克本身關係微妙，之前可以話已經係親戚關係，因為佢其實係呢位巴西前鋒嘅前妻 Iran Angelo 嘅侄女，原來當時侯克與 Iran 離婚僅三個月就搭上咗佢侄女 Camila，依家可謂親上加親啦！
侯克宣佈喜訊

侯克兩任老婆

話晒做老豆當然值得恭喜，不過筆者諗到個問題：侯克同前妻生嘅仔女究竟點叫呢位「後母」呢？表姐嗎？好彩佢係巴西人，唔係華人，否則呢啲倫理關係，真係有排你搞！

你真識食