C朗開始孭鑊？「C朗破壞原有戰術」「C朗嚟之前3戰7分，嚟之後5戰先7分」
隨住曼聯慘敗於李城腳下，C.朗拿度喺奧脫福嘅蜜月期似乎亦提早結束。剛回歸時，一片歡呼喝采，彷彿曼聯嘅救世主就此降臨，而C朗亦無令廣大球迷失望，以連續入球嚟證明自己，球迷同媒體嘅熱情亦因此更為高漲，「C朗嘅鬥心激發一班小將」「C朗令到曼聯進攻更立體」，讚美之聲此起彼落。可惜人總有高山低谷，要求C朗場場有士哥嚟打救球隊似乎不設實際，畢竟足球係11個人踢嘅。
要知道，踢曼聯係好大壓力嘅，不但球迷多，媒體更加係唔放過球員嘅每一個細節，直頭係攞用放大鏡嚟睇。今次呢場大戰，曼聯慘敗，呢下媒體終於可以大寫特寫，而身為皇牌嘅C朗當然成為頭號攻擊對象。《曼徹斯特晚報》（Manchester Evening News）就話C朗破壞咗曼聯原有嘅戰術，仲廢了蘇斯克查一貫嘅壓迫打法。佢列出咗數據支持：上季曼聯全隊球員平均每90分鐘提供132.7壓迫，而今季呢個數字降至117.3。該報仲指出，C朗可能係呢項數據降低嘅原因之一，因為上季佢喺祖記，平均每90分鐘提供6.75壓迫，相對卡雲尼上季喺曼聯每90分鐘13.7的壓迫，C朗的確少好多。雖然卡雲尼目前係後備，不過佢嘅場均壓迫值仍然有每90分鐘達到8.18，C朗只有2.65。
除此之外，有球迷亦指出C朗嚟曼聯前後嘅戰績戰分別。曼聯喺C朗加盟之前，踢咗3輪英超聯賽，一共攞到2勝1和嘅戰績，攞到7分，而C朗加盟之後，雖然有過短暫嘅美好時光，但球隊至今踢咗5場比賽，僅僅攞到7分，效率的確有所下降。
以上數據雖然無得反駁，但以C朗嚟解釋所有問題係咪就係答案呢？係咪其他球員或者領隊就可以推個波俾C朗呢？呢樣留俾球迷自行判斷，不過風向變得咁快，C朗真係要有好強大嘅心臟先頂得住啦！
要知道，踢曼聯係好大壓力嘅，不但球迷多，媒體更加係唔放過球員嘅每一個細節，直頭係攞用放大鏡嚟睇。今次呢場大戰，曼聯慘敗，呢下媒體終於可以大寫特寫，而身為皇牌嘅C朗當然成為頭號攻擊對象。《曼徹斯特晚報》（Manchester Evening News）就話C朗破壞咗曼聯原有嘅戰術，仲廢了蘇斯克查一貫嘅壓迫打法。佢列出咗數據支持：上季曼聯全隊球員平均每90分鐘提供132.7壓迫，而今季呢個數字降至117.3。該報仲指出，C朗可能係呢項數據降低嘅原因之一，因為上季佢喺祖記，平均每90分鐘提供6.75壓迫，相對卡雲尼上季喺曼聯每90分鐘13.7的壓迫，C朗的確少好多。雖然卡雲尼目前係後備，不過佢嘅場均壓迫值仍然有每90分鐘達到8.18，C朗只有2.65。
除此之外，有球迷亦指出C朗嚟曼聯前後嘅戰績戰分別。曼聯喺C朗加盟之前，踢咗3輪英超聯賽，一共攞到2勝1和嘅戰績，攞到7分，而C朗加盟之後，雖然有過短暫嘅美好時光，但球隊至今踢咗5場比賽，僅僅攞到7分，效率的確有所下降。
以上數據雖然無得反駁，但以C朗嚟解釋所有問題係咪就係答案呢？係咪其他球員或者領隊就可以推個波俾C朗呢？呢樣留俾球迷自行判斷，不過風向變得咁快，C朗真係要有好強大嘅心臟先頂得住啦！