講畀尼馬聽？點名美斯射12碼，麥巴比：「呢啲叫尊重！」
麥巴比呢個小朋友真係好有趣，講嘢非常率直，唔識塗脂抹粉，因此亦好容易得罪人自己都唔知，不過總括嚟講，筆者覺得佢對有能力嘅人都係十分尊重嘅。雖然之前做訪問，佢直言「美斯可以散步，我可以做多啲防守」，聽落好似有骨，但其實應是出於真心，只係太直接咁講咗出嚟，令人誤會咁解。就好似噚晚場歐聯，麥巴比博到一球12碼，佢諗都唔諗，就指住美斯，叫佢嚟主射。
麥巴比點名美斯射12碼：https://www.youtube.com/watch?v=eVQctV803yo
而身為球王嘅美斯亦好有風度以及照顧後輩，喺補時階段，巴黎再獲得十二碼，今次美斯投桃報李，放棄戴帽嘅機會，留返俾麥巴比主射，可惜後者唔知係咪緊張得滯，一射就一飛沖天去。賽後，麥巴比都想搵返個波射咗去邊：
賽後訪問，麥巴比被問到第一個12碼，佢話：「點解我要俾十二碼美斯射？咁唔係好正常咩，呢啲係出於尊重。佢係世界最佳球員，佢嚟到我哋隊，能夠同佢合作係我哋嘅榮幸。佢射入咗，但第二球（十二碼），佢俾返我踢，結果我射失咗。 」
麥巴比呢句說話令我諗起美斯初到貴境，第一定第二場比賽，尼馬美斯同場，當時美斯仍未喺ＰＳＧ開齋，而尼馬博到十二碼，呢個係讓俾美斯開齋嘅好機會，結果尼馬自己主射返。所以，唔知麥巴比賽後嘅說話又係唔係口快快講出嚟，定有心要講俾某人聽呢？就留待大家判斷啦。
麥巴比點名美斯射12碼：https://www.youtube.com/watch?v=eVQctV803yo
而身為球王嘅美斯亦好有風度以及照顧後輩，喺補時階段，巴黎再獲得十二碼，今次美斯投桃報李，放棄戴帽嘅機會，留返俾麥巴比主射，可惜後者唔知係咪緊張得滯，一射就一飛沖天去。賽後，麥巴比都想搵返個波射咗去邊：
賽後訪問，麥巴比被問到第一個12碼，佢話：「點解我要俾十二碼美斯射？咁唔係好正常咩，呢啲係出於尊重。佢係世界最佳球員，佢嚟到我哋隊，能夠同佢合作係我哋嘅榮幸。佢射入咗，但第二球（十二碼），佢俾返我踢，結果我射失咗。 」
麥巴比呢句說話令我諗起美斯初到貴境，第一定第二場比賽，尼馬美斯同場，當時美斯仍未喺ＰＳＧ開齋，而尼馬博到十二碼，呢個係讓俾美斯開齋嘅好機會，結果尼馬自己主射返。所以，唔知麥巴比賽後嘅說話又係唔係口快快講出嚟，定有心要講俾某人聽呢？就留待大家判斷啦。