40歲伊巴完美「香蕉球」，門將呆若木雞目送入網

40歲仲踢緊頂級聯賽嘅唔係好多個，伊巴可以算係當中嘅佼佼者。

喺兩連敗之後，AC米蘭急需有人挺身而出提振士氣，身為老老將嘅伊巴謙莫域於是就擔起呢個重任，昨晚AC大勝熱拿亞場波，佢就用一球完美嘅「香蕉球」罰球先開紀錄，對方門將雖有反應，但由於個波喺人牆邊過，門將視線受阻，加上個波其後急速下墮，對方守門員到見到個波時已經嚟唔切去救，只能目送入網。


意甲官方精華：
https://www.youtube.com/watch?v=uDo555COWVc

伊巴呢個入波除咗為AC米蘭注入士氣，亦拯救咗主帥派奧利，賽後佢都感激伊巴：「伊巴呢球係佢送俾我嘅賀禮！」