凡事唔好去得太盡！球迷恥笑馬天尼斯「痾蛋」係對佢上年9月嘅報應

中國人有句諺語叫「山水有相逄」，即係叫人做人做事唔好去得太盡。昨日維拉與曼聯嘅比賽，維拉守門員馬天尼斯上半場早早階段嘅低級失誤就俾球迷話係對上年9月事件嘅「報應」。

唔知球迷仲記唔記得，原來早喺上年9月，兩隊對陣時，曼聯獲得一個12碼，當時呢位阿根廷門將竟然主動走去挑釁Ｃ朗，仲對住呢位五次金球獎得主大叫「喂，你嚟射啦！」。


不過Ｃ朗無理到佢，主動讓咗個12碼俾般奴射，於是馬天尼斯又一貫作風講咗一啲垃圾話。

之後大家都知道發生咩事，般奴大「炒飛機」，然後馬天尼斯就喺曼聯嘅支持者面前表演咗一段「駝背蛇舞」慶祝。



四個月後，喺維拉公園球場再次對曼聯嘅比賽，一個不幸嘅失誤發生喺馬天尼斯身上，球迷當然唔會錯失呢個大好機會。

Twitter 好快就提醒馬天尼斯，佢喺上年9月對奧脫福嘅球迷做過啲咩行為。