華特包斯接班人？修咸頓U9神童遠程罰球死角入！

現時效力修咸頓嘅華特包斯（James Ward-Prowse）罰球技術越來越精湛，最近一場面對狼隊嘅35碼罰球更是技驚四座。

華特包斯至今已累計射入12個罰球，與名宿亨利以及蘇拿並列英超歷史罰球王第二位，第一位當然係萬人迷碧咸嘅18球。不過華特包斯依家先27歲，仍有機會打破碧咸嘅紀錄，而佢嘅隊友，同時亦同碧咸做過國家隊隊友嘅禾確特（Theo Walcott）就認為華特包斯嘅罰球技術比起碧咸有過之而無不及咁話。

邊個罰球勁啲，筆者暫時唔敢下定論，我淨係知道修咸頓已經搵到華特包斯嘅接班人，佢哋U9s賽事有個o靚仔最近射入咗一球同樣技驚四座嘅遠程罰球，而且仲係死角入網！