串定霸氣？藍斯度衝向狼隊中場「示威式」慶祝

狼隊門將荷西沙亞（Jose Sa）最後一分鐘嘅烏龍波，「協助」阿仙奴以2-1擊敗己隊狼隊，令阿仙爭四不至於脫隊。完場哨子聲之後，阿仙奴門將艾朗藍斯度（Aaron Ramsdale）好似特登沖到對手尼維斯（Rúben Neves）前面慶祝，然後無望佢一眼就直接去搵隊友。

到底兩個有咩深仇大恨呢？原來兩隊對上一次交手（由阿仙奴以１—０勝出），尼維斯批評阿仙奴喺狼隊主場嘅慶祝太過份，可能咁樣，藍斯度決定今次喺自己主場慶祝多次......呱！