佛都有火！記者問杜曹有關俄烏戰爭問題，杜曹大發雷霆：「我不是政客！」

俄烏戰爭最近當然成為大家茶餘飯後嘅話題，足球界亦牽涉其中，當中英超球隊車路士更加成為風眼，因為佢哋嘅班主係俄羅斯油王艾巴莫域治（Roman Abramovich），就連教練杜曹（Thomas Tuchel）喺記者會都不時被問及有關俄烏戰爭嘅問題，不過可能真係被問得太多次，杜曹似乎覺得呢類問題有啲煩擾，喺最近一次記者會就向發問有關問題嘅記者大發雷霆，更表示自己唔係政客，請記者唔好再問呢類問題。

杜曹：「聽住！聽住！聽住！你必須停止啦，我唔係政客，你必須停止，老實講，我只重復一次。
「你要我不斷重覆再講，我覺得好唔舒服，我從來無經歷過戰爭，我好榮幸依家可以和平地坐喺呢度。我盡我所能地回答問題，但你必須停止呢啲問題，因為我無答案！」


完整記者會：