【考古】有今生無來世！碧咸 ＋ 朗拿度最美妙的一次配合

2000年代嘅皇家馬得里粒粒皆星，筆者當年仲係一個小朋友，對佢哋嘅印象已經好深，不過要數呢艘銀河艦隊俾我印象最深嘅一次入球，就係以下呢一球。

呢場波係2006年嘅國王盃四強，皇馬對住薩拉戈薩，呢球發生喺上半場第9分鐘，當時碧咸右路拿波，只望咗一睇前場位置，就使出長傳絕招，個波喺空中劃過一條美麗弧線，遇過對方頭頂，直接送到朗拿度腳下，後者壓過後衛，剷射入網，對方門將毫無反應。



呢場波，皇馬最後贏4-0，但無補於事，因為第一回合，皇馬係輸1-6。

碧咸呢球傳波，我覺得係佢生涯其中一球最靚嘅傳波。上年朗拿度同碧咸玩直播時，都盛讚碧咸嘅傳球功力，就算唔係望自己，都可以精準傳到個波俾佢，仲話佢係少數可以踢巴西隊嘅英格蘭球員。