瘀事傳千里！C朗3年前「騎呢」廣告又俾人翻出來笑

身為5屆金球獎得主嘅C.朗拿度，一向俾人嘅形象都係好型，好MAN，但係佢2019年就接咗一間總部位於新加城嘅電子商務平台 Shopee 廣告，至今仍為人「津津樂道」，最近又有fans翻出嚟，指至今仍未接受到C朗會接呢個咁騎呢嘅廣告。

呢個廣告有幾騎呢？一開始其實無咩嘢，例牌C朗入波然後慶祝，但佢發現現場觀眾一片寂靜，原來佢哋用 Shopee 買緊嘢，之後騎呢嘅一幕出現啦：


之後，C朗仲錄過一段唱生日歌慶祝 Shopee 成立記念日：



呢段片上載短短一日，已經超過300萬觀看，睇嚟以後C朗選廣告拍都要顧下自己喺球迷心目中嘅形象至得。