入波唔係靠鞋嘅！日乙「赤腳小子」狂奔30米再右腳射入靚波

喺日本乙級聯賽第3輪中，橫濱FC作客以2-1逆轉大分三神。其中，橫濱球員山下諒也喺一隻腳赤腳嘅情況下狂奔30米，而仲用無著鞋嘅右腳射入致勝嘅一球。

78分鐘時，山下諒也在喺中場左側爭波，期間同對方防守球員發生身體對抗，山下諒也嘅右腳球鞋被踩甩。但山下諒也無放棄，反而俾佢爭贏咗，而且仲可以帶波殺到左側禁區，然後將個波分到右路。

之後橫濱FC右路傳中，個波又輾轉返到禁區左側山下諒也面前，佢心口控定個波後，用無著腳嘅右腳一撥，然後右腳順勢大力抽射，個波省中橫楣後彈入網！