【考古】當年今日曼城88分鐘派1號門將占士踢前鋒，結果一個窩利撻Ｑ冧低兩件！
昨日，曼城2-2同韋斯咸打成平手，只攞到一分，爭冠之路亦有隱憂。
想當年，2004-05賽季，英超最後一輪，曼城亦都有另一個任務，就係要擊敗米杜士堡，拿到歐洲足協盃資格。時任教練皮爾斯（Stuart Pearce）當時就出奇策，就係搵守門員大衛占士（David James）出任前鋒。
當時距離完場仲有2分鐘，皮爾斯大手一揮，用後備門將韋弗（Nicky Weaver）換走中場連拿，然後就叫占士去踢前鋒。其實曼城早就預準咗件波衫，所以呢個戰術係早有計劃。
結果，波衫係早有準備，但睇嚟占士就無乜準備。佢喺前線顯得不知所措，而且粗枝大葉嘅踢法仲誤傷咗對手幾個球員：
雖然曼城最後時刻攞到個12碼，可惜科拿嘅射門被撲出，結果米杜士堡入咗歐洲足協盃，而且仲一路打到決賽。
皮爾斯賽後解釋：「我係想要掂亂對手，從某程度上我哋的確做到。呢個戰術搞亂咗所有人，包括佢哋同我哋。」
而被推上前線嘅占士就話：「中場嘅時候，工作人員有提過幫我印咗一件唔係龍門嘅1號波衫，我當時諗：即係點？佢之後暗示我可能會踢前鋒。後來我見到韋弗上場，我心諗係唔係換我呢？講真，其實我事前真係一無所知。」
「如果我早一日知嘅話，我會訓練多一個鐘預演下。我之後同皮爾斯傾過幾次，我同佢講其實我唔係好知我要踢邊個位。」
想當年，2004-05賽季，英超最後一輪，曼城亦都有另一個任務，就係要擊敗米杜士堡，拿到歐洲足協盃資格。時任教練皮爾斯（Stuart Pearce）當時就出奇策，就係搵守門員大衛占士（David James）出任前鋒。
當時距離完場仲有2分鐘，皮爾斯大手一揮，用後備門將韋弗（Nicky Weaver）換走中場連拿，然後就叫占士去踢前鋒。其實曼城早就預準咗件波衫，所以呢個戰術係早有計劃。
結果，波衫係早有準備，但睇嚟占士就無乜準備。佢喺前線顯得不知所措，而且粗枝大葉嘅踢法仲誤傷咗對手幾個球員：
雖然曼城最後時刻攞到個12碼，可惜科拿嘅射門被撲出，結果米杜士堡入咗歐洲足協盃，而且仲一路打到決賽。
皮爾斯賽後解釋：「我係想要掂亂對手，從某程度上我哋的確做到。呢個戰術搞亂咗所有人，包括佢哋同我哋。」
而被推上前線嘅占士就話：「中場嘅時候，工作人員有提過幫我印咗一件唔係龍門嘅1號波衫，我當時諗：即係點？佢之後暗示我可能會踢前鋒。後來我見到韋弗上場，我心諗係唔係換我呢？講真，其實我事前真係一無所知。」
「如果我早一日知嘅話，我會訓練多一個鐘預演下。我之後同皮爾斯傾過幾次，我同佢講其實我唔係好知我要踢邊個位。」