20年謎題終解開！細哨親自回應笠死施文嘅入球，同時證實當年險簽曼聯！
如果問老球迷世界盃嘅經典賽事，2002年巴西八強對英格蘭相信會榜上有名，當中「細哨」朗拿甸奴（Ronaldinho）一球成名嘅笠射更可謂千古傳頌。20年嚟不斷有人問，究竟呢球係特登定符碌？近日朗拿甸奴就親自講出咗真相。
當年賽後，細哨係堅持因為睇到英格蘭守門員施文（David Seaman）嘅企位決定咁射，但喺日前嘅 Expedia Route 10 Freestyle Bus Tour of Paris 活動上，佢推翻咗自己20年前嘅講法：「唔係特登嘅！」佢再講：「不過我哋都研究咗好耐，我哋見到英格蘭門將企前咗少少。我哋好好彩，以呢個方式入波。呢球令好多英國人悲傷，但就令好多巴西人幸福！」
被問及呢球笠射係咩佢生涯其中一個最重要嘅入波，朗拿甸奴話：「當然係，因為無論我去到邊，啲人都會問關於呢個入球。」
當年英格蘭同巴西一樣係大熱門，所以呢場八強賽非常矚目，結果巴西過咗呢關之後亦順利打入決賽，最後以2-0戴擊敗德國，捧走嗰屆嘅大力神盃，而朗拿度（Ronaldo）、朗拿甸奴，以及李華度（Rivaldo）嘅「3R」組合亦成為巴西隊嘅經典。
朗拿甸奴仲透露，2003年轉會巴塞隆拿之前，佢曾經無限接近加盟英超嘅曼聯。佢話：「不幸嘅係，我無足夠嘅運氣喺英格蘭踢波。喺加盟巴塞之前，我差啲去咗曼徹斯特，真係差少少！我非常感激英格蘭嘅球迷，我知道佢哋好中意我，我都好想喺英格蘭踢波。」
據聞，2003年曼聯喺賣走咗碧咸（David Beckham）之後，費格遜好想簽朗拿甸奴，巴黎聖日耳門當時聲稱，細哨「99.9%機會去曼聯」，不過最終呢位巴西球星被巴塞搶走走，而巴塞之前剛剛喺碧咸嘅爭奪戰中輸咗俾皇馬。
當年賽後，細哨係堅持因為睇到英格蘭守門員施文（David Seaman）嘅企位決定咁射，但喺日前嘅 Expedia Route 10 Freestyle Bus Tour of Paris 活動上，佢推翻咗自己20年前嘅講法：「唔係特登嘅！」佢再講：「不過我哋都研究咗好耐，我哋見到英格蘭門將企前咗少少。我哋好好彩，以呢個方式入波。呢球令好多英國人悲傷，但就令好多巴西人幸福！」
被問及呢球笠射係咩佢生涯其中一個最重要嘅入波，朗拿甸奴話：「當然係，因為無論我去到邊，啲人都會問關於呢個入球。」
當年英格蘭同巴西一樣係大熱門，所以呢場八強賽非常矚目，結果巴西過咗呢關之後亦順利打入決賽，最後以2-0戴擊敗德國，捧走嗰屆嘅大力神盃，而朗拿度（Ronaldo）、朗拿甸奴，以及李華度（Rivaldo）嘅「3R」組合亦成為巴西隊嘅經典。
朗拿甸奴仲透露，2003年轉會巴塞隆拿之前，佢曾經無限接近加盟英超嘅曼聯。佢話：「不幸嘅係，我無足夠嘅運氣喺英格蘭踢波。喺加盟巴塞之前，我差啲去咗曼徹斯特，真係差少少！我非常感激英格蘭嘅球迷，我知道佢哋好中意我，我都好想喺英格蘭踢波。」
據聞，2003年曼聯喺賣走咗碧咸（David Beckham）之後，費格遜好想簽朗拿甸奴，巴黎聖日耳門當時聲稱，細哨「99.9%機會去曼聯」，不過最終呢位巴西球星被巴塞搶走走，而巴塞之前剛剛喺碧咸嘅爭奪戰中輸咗俾皇馬。