除咗救12碼勁仲好蠱惑！澳洲門將趁對手唔覺意丟咗佢張「貓紙」

上次講到，澳洲喺世界盃附加賽互射12碼擊敗秘魯，連續5屆打入世界盃決賽週。當中，佢哋120分鐘先換出嚟嘅守門員雷馬尼（Andrew Redmayne），以獨特嘅方式撲出12碼，成為國家英雄。詳情：澳洲杜迪克！120分鐘上場，手舞足蹈救12碼成國家英雄！

其實呢位守門員除咗自己救12碼勁，仲好蠱惑咁破壞咗對手嘅策略。話說秘魯門將加列斯（Pedro Gallese.
）喺自己嘅水樽度有張「貓紙」，如果無估錯，應該係寫咗澳洲球員嘅12碼習慣。喺雙方射成2-2之前，雷馬尼就趁加列斯飲完水後唔覺意，乘機行到龍門後邊，將佢個水樽丟咗去廣告板後面。