屈福特碧咸？豪門獵物60碼半場笠射炸爆網民

屈福特今屆喺英冠作賽，但無損陣中塞內加爾前鋒沙亞（Ismaïla Sarr）嘅炸爆表現，呢位曾經是各大豪門，包括利物浦同曼聯獵物嘅塞內加爾前鋒射入一球媲美當年碧咸世紀金球嘅笠射！

今屆降班英冠嘅屈福特，今場作客西布朗，上半場12分鐘沙亞喺後場近中圈位置接應隊友嘅頭槌傳送，佢轉身望到對方守門員企出咗少少，於是就立馬起腳，個波剛好越過守門員頭頂，完美笠入。



可惜呢球雖然入得靚，但都只係計一球，未能替屆福特全取三分，因為西布朗及後追成平手，最終雙方踢成1：1打和。開季頭兩輪，屈福特暫時1勝1和。