曾被讚上限高於香川、實力媲美孫興慜的昔日日本天才，後備出場不夠20秒就領紅被逐！

9月18日土超，安塔利亞主場對陣卡塞利體育會，加盟安塔利亞先十日左右嘅日本球員中島翔哉喺第58分鐘後備出場，入場觀看嘅日本藉球迷都非常期待，點知唔夠廿秒之後，呢位昔日日本天才球員就因為一個飛鏟，導致對方球員受傷。球證先係出示黃牌警告，後經VAR提示，改為直接紅牌，將中島翔哉驅逐離場。

呢一幕，令到主場球迷，尤其一心來支持嘅日本藉球迷目瞪口呆。


28歲嘅日本球員中島翔哉曾在葡超有過唔錯表現，有球迷因此認為佢上限將會高於曾經效力過曼聯嘅前輩香川真司，甚至可以媲美依家嘅亞洲球王孫興慜。2019年，中島翔哉以3500萬歐元高價加盟艾杜哈尼體育會，但好快佢又返到葡超，可惜表現一落千丈，如今身價僅剩300萬歐元。