【考古】卡卡直線，馬干全速落底0角度抽射掛網！

2010年嘅南非世界盃，當時嘅巴西比起前幾屆雖然星光黯淡，但實力仍足以問鼎冠軍。

分在G組嘅巴西，喺其中一場分組賽面對北韓。上半場北韓以防守嚴密力抗巴西攻勢，結果打成0:0完上半場。下半場10分鐘，卡卡放一個簡單直線，當時世一右閘馬干（Maicon）全速落底，喺個波出界之前，趁北韓門將李明國稍稍失位，喺幾乎窄0角度嘅情況下抽射入網，技驚四座！



7分鐘後，巴西羅賓奴於中路一記地波妙傳，撕破整條北韓防線，入楔嘅艾蘭奴射地波破網，為巴西再下一城，不過喺完場前1分鐘，北韓球員志尹南喺巴西禁區抽射追回一球。最後巴西以2-1輕取北韓。