0.1秒差的巧合！球證果斷判罰12碼，但抗議的竟然是攻方？

巴西地區聯賽出現戲劇性嘅一幕。白色衫攻方球員接應球門球打反擊，結果成功殺入禁區笠射，同時被守門員撲倒。球證無第一時間判罰12碼，似乎係想俾得益，因為個波當時正向龍門方向彈緊，如果個波入咗就無必要12碼。

點知個波最後中柱彈出，於是球證第一時間好果斷咁判罰12碼，但佢點都估唔到，就喺佢吹哨後嘅0.1秒，個波擊中柱後反彈，後衛解圍唔到返自擺烏龍！

結果，白衫嘅攻方球員走嚟同球證理論，話個波入咗，唔使12碼，可惜球證心意已決，堅持12碼。
好好彩地攻方最後射入咗呢球12碼。你話如果無入……