入波心情靚！突破倒地被黃牌警告判「插水」，C朗無奈苦笑！

C朗拿度喺國家賽連續兩場梅開二度！唔知係唔係入波心情特別靚，所以就算被球證判罰「插水」，佢都笑笑口！

葡萄牙對盧森堡嘅比賽，第57分鐘，C朗帶波突破至大禁區外，面對對方防守球員，C朗強行硬爆，佢先通防守球員坑渠，然後自己試圖從對方身邊跑過。不過，C朗疑似主動倒地，並有一個故意同對方碰撞嘅動作，不過球證似乎唔買帳，隨後向C朗出示黃牌，判定佢係「插水」。