型爆暖男！迪格蘭賴斯見到爆喊小球迷，立即放低手機上前擁抱送球衣！

週日英超賽事，韋斯咸小爆冷以1:0擊敗曼聯，賽後有唔少韋斯咸球迷都好開心，更有一個小球迷賽後唔願離開球場，而且開心到爆喊，剛好遇到韋斯咸隊長迪格蘭賴斯（Declan Rice），賴斯見到小球迷後感到非常意外，並立即放低手上嘅手機，上前擁抱正在爆喊嘅小球迷，之後仲送上自己身上嘅波衫俾呢位小球迷，認真窩心！