據聞曼城鋒霸夏蘭特有好多賽前習慣,例如比賽前食佢老豆煮嘅千層麵,同埋以歐聯主題曲做鬧鐘聲。最近,佢被發現有另一個新習慣,可能係模仿佢偶像C朗拿度。
喺最近嘅比賽賽前合照嘅時候,身高6尺4吋,本身已經鶴立雞群嘅夏蘭特,被發現竟然仲要趷高腳:
眾所周知,做呢個動作最出名嘅就係身高6呎1嘅C朗:
因此就有唔少球迷覺得夏蘭特係模仿C朗,可能係做咗之後自己表現好,又或者球隊可以贏波,仲有人讚C朗嘅影響力巨大!
夏蘭特雖然無直接講過自己嘅偶像係C朗,但就曾經表示過對C朗嘅讚賞
,仲話好想同C朗講,自己係因為佢先想成為一名足球員。