摩連奴：我愛我執教過嘅每一支球隊，除咗呢一間！

摩連奴算係上咗神枱嘅教練，佢執教過好多頂級球會，而且都有一定嘅成績。最近摩連奴就喺記者會談到自己執教過咁多球隊，每一支球隊佢都愛，除咗利維嗰間（意指熱刺）。

摩連奴解釋：「佢係唯一一個我無緊密聯繫嘅球會。可能係因為 Covid 時期球場空洞洞，仲有因為利維先生（熱刺主席）無令我贏得任何一項錦標。」