球王美斯614淘寶開直播，仲可能帶貨？

球王美斯（Lionel Messi）日前展開其第7次中國之行。身為全世界最多人關注嘅球星，美斯今次中國行必定引起一眾球迷熱切期待，但所謂「入鄉隨俗」，美斯一場嚟到，點可以淨下踢下波就走，緊係要廣大嘅中國球迷互動下。

據內地《每日經濟新聞》記者獲悉，6月14日，美斯將亮相遙望旗下淘寶主播李宣卓直播間。呢位李宣卓係專業賣酒嘅，號稱「快手酒仙」，所以有網民就問美斯會唔會做埋帶貨？


呢位消息嘅真偽，暫時無從得知。但賽事主辦方就通過官方微博提醒球迷，發現部份網絡平台或用戶發佈「可與梅西合影」、「可與參賽球員同桌吃飯」、「與足球隊面對面溝通」及「球衣簽名」等內容，並收取高額費用，惟主辦方並未安排美斯及兩隊球員參加任何公益或商業活動，希望大家仔細甄別，謹防上當受騙。