【考古】球壇失傳絕技：馬甸尼飛鏟！

儘管意大利名宿馬甸尼（Paolo Maldini）喺另一個時代踢波，但佢嘅防守技能能夠穿越咗時空，成為我哋學習嘅對象。

馬甸尼25年嘅傳奇職業生涯中，雖然平均每場比賽只有0.56次鏟波，但佢嘅鏟波技巧正正就係佢嘅標誌性動作，佢鏟波嘅一刻你可以感受到佢係一名真正嘅戰士。咁點解佢呢項絕技咁少用？馬甸尼曾經解釋過：「如果我必須鏟波，就意味住我犯咗錯誤。」

對於無點睇過90年代足球比賽嘅人來講，馬甸尼嘅飛鏟係非常難以置信，因為以現今嘅判罰尺度，呢類動作可能會被視為危險動作，但只要你細心觀察，馬甸尼嘅鏟波永遠都只有一個目標：對手嘅腳下球。
佢知道何時鏟波先係最明智。如果一名球員無控制好個波、低頭唔留神或者背對佢，馬甸尼就會毫不留情地奪回球權。馬甸尼嘅鏟波方法亦好獨特，佢嘅飛身滑鏟係佢嘅標志性動作，而佢飛鏟後總能夠掌控場上局面，呢樣同佢嘅位置，以及接近個波嘅方式有關。


馬甸尼唔係速度最快、亦唔係最敏捷嘅球員，但佢能夠喺影響對手動作時機同提早做出反應嘅能力上佔據優勢。再加上佢出色地利用上半身接觸來減緩對手嘅速度並建立身體優勢，你就能理解點解佢被公認為一個偉大嘅後衛。