Horizon: Zero Dawn雙人模式，因為成全遊戲做得更好慘被犧牲!?

Horizon: Zero Dawn一出已經俾人叫做歐美MH，不過就差緊一樣嘢先真係有MH嘅味道，就係連機。遊戲總監Mathijs De Jonge早前接受Youtube Channel "Noclip"訪問就提到，本來Horizon嘅原型係有雙人連線嘅設計："我哋開初做過好多唔同嘅版本，其中一個就係雙人連機，其實run落真係幾好。不過工程師同我哋講如果要喺隻game加入合作模式，擺到入去嘅內容就最多做到50%，Horizon: Zero Dawn係呢個系列第一款作品，我哋希望佢係100%呈現出嚟，所以最終決定剔除合作模式。"


除咗取消雙人模式之外，佢仲提到要整NPC協助戰鬥會太過複雜所以被放棄。佢又提個地圖原本係而家嘅50倍大，不過美術團隊表示個地圖咁大，我哋無足夠內容放入去，所以就做咗呢個size。