Marvel電影宇宙10周年，開創英雄電影新一頁，細數過往10年MCU出過乜？
講佢出過乜之前梗係要講返少歷史先(，戴返頭盔先，有錯請指正，即改)，Marvel喺1939年成立，而家已經係全球最大嘅漫畫工作室之一。Marvel Studios今日(2/9)成立十周年，但其實佢哋前身係叫Marvel Films，喺1993年成立，不過因為喺1996年差啲破產，唯有將大部份嘅英雄影片出版權都賣咗出去，所以MCU初期喺角色方面都有幾大限制。
眼見自己賣咗出去嘅角色，幾乎全部都好賣得、票房收入非常好，Marvel喺2007年就諗重整旗鼓，自己建構一個電影宇宙，但礙於Marvel當時資源有限，一輸就真係一舖清袋，加上普遍出名啲嘅演員都唔鍾意拍呢啲英雄片，所以諗住試下水溫，拍套Iron Man先，反應好先真係以Avengers為中心建立一個完整嘅Marvel電影宇宙。(唔明點解Iron Man係用嚟試水溫？因為舊嘅Iron Man真係成個垃圾桶咁ww)點知Iron Man出奇地受歡迎，大賣5.85億美金。Disney亦都出手好快，喺2009年就收購咗Marvel Studios，而且講到明唔會改變Marvel Studios原有嘅Planning，仲會積極回購外流咗嘅英雄版權，或者同版權持有人合作等唔同嘅英雄可以回歸，務求令到MCU變得更完整。
喺過去兩年Universal同Sony都態度軟化，釋放一啲英雄嘅版權同Marvel合作(，嚴格嚟講版權仲係喺返Universal同Sony度，不過Marvel擁有咗嗰個角色嘅使用權)，加上Disney上年成功收購Fox嘅大部份業務包括電影業務，現時MCU嘅結構已經變得非常完整。
好喇，咁究竟呢10年MCU出過啲咩呢？暫時MCU可以分為三個階段，第一階段由試水溫嘅Iron Man開始，其實用嚟試水溫嘅仲有The Incredible Hulk，不過The Incredible Hulk同2008年嘅Hulk一樣唔太賣得，加上Edward Norton辭演，之後嘅Hulk直情演員都換埋。第一階段仲包括Iron Man 2、Thor同Captian America: The First Avenger，確立咗MCU三巨頭之後就以Avengers作為第一階段嘅總結。
第二階段段主軸為三巨頭續作包括Iron Man 3、Thor: The Dark World、Captain America: The Winter Soldier，以及最重要嘅Avengers: Age of Ultron，同時引入外太空世界觀嘅Guardians of the Galaxy(同Thor嘅神界係有啲分別)，最後以Ant-Man作為第二、三階段嘅轉接。
第三階段，即係而家嘅階段，開始淡化三巨頭嘅重要性，因為不論係片約問題定新鮮感嘅問題，都係需要有新嘅英雄接班，所以呢個階段都幾百花齊放。由Captain America: Civil War呢個可能係MCU最大嘅衝突開展開呢個階段，到現時為止中間仲有Doctor Strange、Guardians of the Galaxy Vol. 2、Spider-Man: Homecoming，以及Thor: Ragnarok。而嚟緊2月嘅Black Panther將會係呢個階段嘅中期小結，因為所有嘢都已經指向哂Thanos嘅陰謀，去到4月嘅Avengers: Infinity War將會係重創Avengers嘅一場戰役。而仲未喺預告登場嘅Ant-Man、Wasp究竟會唔會喺Infinity War登場，定6月上映嘅Ant-Man and the Wasp會有所交待呢？仲下年先會首次喺MCU出現嘅Captain Marvel將會以類似Captain America嘅形式加入(，即係會講述返佢嘅起源)，咁係咪即係意味住Captain America會引退，定甚至會被賜死，Chris Evan將會離開MCU呢個大家庭呢？
除咗電影，Marvel都係有出劇集，分別由ABC及Netflix製作。ABC嘅Marvel劇集同MCU本身關聯性會比較大，不過除咗以S.H.I.E.L.D.為主軸嘅Agents of S.H.I.E.L.D.收得之外，Captain America衍生作Agent Carter(好睇但唔收得)同Inhumans(真係唔好睇)都唔收得。而Netflix嘅製作就以MCU同一世界，以The Defenders為主軸建構，作品包括Daredevil、Jessica Jones、Luke Cage、Iron Fist、The Defenders及The Punisher，對比起ABC嘅製作的確高質唔少。仲有一套可能你本身唔知，就係喺Hulu推出嘅Runaways，同樣係同MCU同一個世界觀，有興趣可以留意下。
正如第二段所講，Marvel而家有咁多版權回歸，MCU變得咁完整，其實已經好有本錢製作多重世界觀，例如Spiderman、X-Men、Fantastic Four、Deadpool呢啲本身自己已經有一個好完整嘅世界觀。究竟MCU之後嘅發展仲係繼續以Avengers為主軸，所有獨立電影最終都係要指向返Avengers，定藉住Avengers 4大洗牌，開始建構多重世界觀，喺適當嘅時候先再以一啲大事件group返咁多位英雄呢？
眼見自己賣咗出去嘅角色，幾乎全部都好賣得、票房收入非常好，Marvel喺2007年就諗重整旗鼓，自己建構一個電影宇宙，但礙於Marvel當時資源有限，一輸就真係一舖清袋，加上普遍出名啲嘅演員都唔鍾意拍呢啲英雄片，所以諗住試下水溫，拍套Iron Man先，反應好先真係以Avengers為中心建立一個完整嘅Marvel電影宇宙。(唔明點解Iron Man係用嚟試水溫？因為舊嘅Iron Man真係成個垃圾桶咁ww)點知Iron Man出奇地受歡迎，大賣5.85億美金。Disney亦都出手好快，喺2009年就收購咗Marvel Studios，而且講到明唔會改變Marvel Studios原有嘅Planning，仲會積極回購外流咗嘅英雄版權，或者同版權持有人合作等唔同嘅英雄可以回歸，務求令到MCU變得更完整。
喺過去兩年Universal同Sony都態度軟化，釋放一啲英雄嘅版權同Marvel合作(，嚴格嚟講版權仲係喺返Universal同Sony度，不過Marvel擁有咗嗰個角色嘅使用權)，加上Disney上年成功收購Fox嘅大部份業務包括電影業務，現時MCU嘅結構已經變得非常完整。
好喇，咁究竟呢10年MCU出過啲咩呢？暫時MCU可以分為三個階段，第一階段由試水溫嘅Iron Man開始，其實用嚟試水溫嘅仲有The Incredible Hulk，不過The Incredible Hulk同2008年嘅Hulk一樣唔太賣得，加上Edward Norton辭演，之後嘅Hulk直情演員都換埋。第一階段仲包括Iron Man 2、Thor同Captian America: The First Avenger，確立咗MCU三巨頭之後就以Avengers作為第一階段嘅總結。
第二階段段主軸為三巨頭續作包括Iron Man 3、Thor: The Dark World、Captain America: The Winter Soldier，以及最重要嘅Avengers: Age of Ultron，同時引入外太空世界觀嘅Guardians of the Galaxy(同Thor嘅神界係有啲分別)，最後以Ant-Man作為第二、三階段嘅轉接。
第三階段，即係而家嘅階段，開始淡化三巨頭嘅重要性，因為不論係片約問題定新鮮感嘅問題，都係需要有新嘅英雄接班，所以呢個階段都幾百花齊放。由Captain America: Civil War呢個可能係MCU最大嘅衝突開展開呢個階段，到現時為止中間仲有Doctor Strange、Guardians of the Galaxy Vol. 2、Spider-Man: Homecoming，以及Thor: Ragnarok。而嚟緊2月嘅Black Panther將會係呢個階段嘅中期小結，因為所有嘢都已經指向哂Thanos嘅陰謀，去到4月嘅Avengers: Infinity War將會係重創Avengers嘅一場戰役。而仲未喺預告登場嘅Ant-Man、Wasp究竟會唔會喺Infinity War登場，定6月上映嘅Ant-Man and the Wasp會有所交待呢？仲下年先會首次喺MCU出現嘅Captain Marvel將會以類似Captain America嘅形式加入(，即係會講述返佢嘅起源)，咁係咪即係意味住Captain America會引退，定甚至會被賜死，Chris Evan將會離開MCU呢個大家庭呢？
除咗電影，Marvel都係有出劇集，分別由ABC及Netflix製作。ABC嘅Marvel劇集同MCU本身關聯性會比較大，不過除咗以S.H.I.E.L.D.為主軸嘅Agents of S.H.I.E.L.D.收得之外，Captain America衍生作Agent Carter(好睇但唔收得)同Inhumans(真係唔好睇)都唔收得。而Netflix嘅製作就以MCU同一世界，以The Defenders為主軸建構，作品包括Daredevil、Jessica Jones、Luke Cage、Iron Fist、The Defenders及The Punisher，對比起ABC嘅製作的確高質唔少。仲有一套可能你本身唔知，就係喺Hulu推出嘅Runaways，同樣係同MCU同一個世界觀，有興趣可以留意下。
正如第二段所講，Marvel而家有咁多版權回歸，MCU變得咁完整，其實已經好有本錢製作多重世界觀，例如Spiderman、X-Men、Fantastic Four、Deadpool呢啲本身自己已經有一個好完整嘅世界觀。究竟MCU之後嘅發展仲係繼續以Avengers為主軸，所有獨立電影最終都係要指向返Avengers，定藉住Avengers 4大洗牌，開始建構多重世界觀，喺適當嘅時候先再以一啲大事件group返咁多位英雄呢？