[差在未爆seed咋] CAPCOM辻本春弘表示MHW無乜可能出NS版
唔知係咪因為NS真係好hit，又或者CAPCOM喺3DS都出過好幾隻MH，自從MHW喺E3正式發表之後，好多人都成日問MHW點解唔出埋NS。其實唔少相關開發人員回應都回到口臭，最近辻本春弘喺一個訪問裡面就俾咗一個再詳細啲嘅解釋。
"MHW係以今個世代嘅家用機同PC為基礎開發，一部手提機可以顯示到嘅內容實在有限(，白啲講即係部機推唔到咁高畫質)，而我哋都想用最新嘅技術重新出發，咁我哋先可以展示一個更寫實嘅魔物生態，相信玩家都想同希望見到呢樣嘢。"
當然少不免總會俾人問MHW會唔會出NS版，佢就咁講："其實我哋一早已經留意到呢個問題，所以MHXX先會移植落NS。但唔同嘅考慮，我哋都係覺得要將MHW移落NS實在太困難，因為NS嘅性能同玩家群同其他主機都好唔同。唔同嘅主機都有自己嘅特色，CAPCOM要同會做嘅就係針對呢啲特色，喺唔同嘅平台推出合適嘅作品，點樣將MH等大作系列放到落NS都係我哋而家要面對嘅問題。"
點解，點解咁多人講極都唔明，就好似Bayonetta係任天堂出錢整，佢要NS獨佔都好合理，但就好多人問點解唔出PS4版。之前已經唔少MHW嘅相關開發人員講到明佢哋今集係想玩畫質，呢樣好明顯唔係NS做到，亦唔係任天堂着重嘅嘢。呢個世界係要有競爭先會有進步，大家究竟睇唔睇到早幾年任天堂沉寂、PS獨大，呢幾年啲game嘅質素跌咗幾多，唔係話無好game，但好多都未可以去到玩家嘅預期。難得而家任天堂有返起息，有NS分咗啲市場，有返競爭，大家咁想一部機玩得哂所有game做乜啫？其實出得嘅，有邊個廠唔會盡力出哂咁多個平台，但要玩畫質NS真係唔得，正如你擺隻8bit indie game喺PS4會唔會好賣得？一樣唔會，大家嘅玩家群本來都唔同，如果你想玩得哂咁多唔類型嘅game，不如就買哂兩部機，如果真係budget有限嘅，買機前就要取捨喇！
"MHW係以今個世代嘅家用機同PC為基礎開發，一部手提機可以顯示到嘅內容實在有限(，白啲講即係部機推唔到咁高畫質)，而我哋都想用最新嘅技術重新出發，咁我哋先可以展示一個更寫實嘅魔物生態，相信玩家都想同希望見到呢樣嘢。"
當然少不免總會俾人問MHW會唔會出NS版，佢就咁講："其實我哋一早已經留意到呢個問題，所以MHXX先會移植落NS。但唔同嘅考慮，我哋都係覺得要將MHW移落NS實在太困難，因為NS嘅性能同玩家群同其他主機都好唔同。唔同嘅主機都有自己嘅特色，CAPCOM要同會做嘅就係針對呢啲特色，喺唔同嘅平台推出合適嘅作品，點樣將MH等大作系列放到落NS都係我哋而家要面對嘅問題。"
點解，點解咁多人講極都唔明，就好似Bayonetta係任天堂出錢整，佢要NS獨佔都好合理，但就好多人問點解唔出PS4版。之前已經唔少MHW嘅相關開發人員講到明佢哋今集係想玩畫質，呢樣好明顯唔係NS做到，亦唔係任天堂着重嘅嘢。呢個世界係要有競爭先會有進步，大家究竟睇唔睇到早幾年任天堂沉寂、PS獨大，呢幾年啲game嘅質素跌咗幾多，唔係話無好game，但好多都未可以去到玩家嘅預期。難得而家任天堂有返起息，有NS分咗啲市場，有返競爭，大家咁想一部機玩得哂所有game做乜啫？其實出得嘅，有邊個廠唔會盡力出哂咁多個平台，但要玩畫質NS真係唔得，正如你擺隻8bit indie game喺PS4會唔會好賣得？一樣唔會，大家嘅玩家群本來都唔同，如果你想玩得哂咁多唔類型嘅game，不如就買哂兩部機，如果真係budget有限嘅，買機前就要取捨喇！
