Rare工作室表示："Sea of Thieves不會有戰利品箱！"

Sea of Thieves設計總監Mike Chapman最近就表示，Rare工作室無打算喺遊戲裡面加入類似賭博機制，換言之遊戲裡面會無戰利品箱。不過無Loot Box還無Loot Box，遊戲裡面依然有機會加入課金元素…… 雖然一出嘅時候係唔會有課金元素，但Rare工作室會喺遊戲推出之後審視點樣加入課金元素。


"雖然遊戲有機會加入課金元素，我哋會確保課金限定嘅只會係客製化嘅外觀道具，絕無任何Pay-to-Win元素。如果我哋真係決定加，都會諗到一套真正符合Sea of Thieves嘅風格先會加。" 早前Sea of Thieves嘅封測有超過33萬人玩，顯示出其實唔少人都幾期待隻game，希望佢唔好亂加嘢，搞到好似Star Wars Battlefront II咁啦！