真三雙真人版首支宣傳片釋出，可惜冇古天樂唱主題曲ww

之前放過下劇照嘅真三國無雙真人版電影終於釋出第一條宣傳片，予定2019年上映！電影由KOEI TECMO Games授權，中國3D數碼娛樂改編同拍攝，製作團隊已經星光熠熠，周顯揚擔任導演，杜致朗擔任監製，蕭定一擔任出品人。


幕後團隊已經咁誇張，演員cast梗係唔會差，電影由楊祐寧、韓庚、王凱、古天樂、呂良偉、劉嘉玲、古力娜扎等紅爆嘅中港演員主演，故事講述一班活躍喺三國時代嘅無雙英雄，要成為無雙英雄、號令群雄，必須可以將盤古能量凝聚於體內形成無雙能量。其實電影喺上年11月已經殺青，原定今年內上映，但而家宣佈延期至2019年上映。