保得住呀！Vivendi放棄吞併Ubisoft並出售所有持有嘅Ubisoft股權
Vivendi(威望迪)唔知大家會唔會有啲陌生，其實佢係一間電影公司，不過實太有錢，好鍾意用財技收購唔同嘅遊戲公司，曾經收購過Activision Blizzard、Gameloft等等嘅大廠。近幾年Vivendi已經收購咗27.3%嘅Ubisoft股份，而Ubisoft就用盡辦法去阻止Vivendi進一步收購佢哋嘅股份，最終可以惡意吞併咗佢哋！(唔知係咪因為咁無資源debug……)
不過今日終於傳出Ubisoft嘅好消息，Vivendi決定放棄進一步收購Ubisoft嘅計劃，並同Ubisoft達成協議出售全數27.3%嘅股份。其實Vivendi無輸架，呢27.3%股份只係用7.5億歐元買入，而今次係以超過20億歐元賣出，不過Ubisoft得到返自由，勉強都算係雙贏。咁呢27.3%股份點分配呢？8.1%由Ubisoft自行回購，2.7%由創辦人Guillemot家族買入，另外有5.0%以及3.4%分別由騰訊同Ontario Teachers' Pension Plan買入，剩低8%會開放賣俾其他投資者。你可能心諗走咗Vivendi嚟個騰訊，唔×係掛？放心，騰訊同Ontario Teachers' Pension Plan嗰8.4%係講明唔會授予任何Ubisoft董事會嘅代表席位，而騰訊亦都承諾唔會轉讓手上嘅股份，亦都唔會嘗試獲得更多股份或者投票權。Ubisoft表示佢哋覺得中國係一個極具潛力嘅市場，佢哋想加速喺呢個地區嘅發展。而騰訊就表示想將Ubisoft某啲大作引入中國，會以長期投資者嘅身份提供協助，唔會對Ubisoft嘅遊戲開發作出干預。嗱，股權問題解決咗，又準備搵大錢喇，係時候做返好啲，啲game del好bug先好推出嚟喇！
不過今日終於傳出Ubisoft嘅好消息，Vivendi決定放棄進一步收購Ubisoft嘅計劃，並同Ubisoft達成協議出售全數27.3%嘅股份。其實Vivendi無輸架，呢27.3%股份只係用7.5億歐元買入，而今次係以超過20億歐元賣出，不過Ubisoft得到返自由，勉強都算係雙贏。咁呢27.3%股份點分配呢？8.1%由Ubisoft自行回購，2.7%由創辦人Guillemot家族買入，另外有5.0%以及3.4%分別由騰訊同Ontario Teachers' Pension Plan買入，剩低8%會開放賣俾其他投資者。你可能心諗走咗Vivendi嚟個騰訊，唔×係掛？放心，騰訊同Ontario Teachers' Pension Plan嗰8.4%係講明唔會授予任何Ubisoft董事會嘅代表席位，而騰訊亦都承諾唔會轉讓手上嘅股份，亦都唔會嘗試獲得更多股份或者投票權。Ubisoft表示佢哋覺得中國係一個極具潛力嘅市場，佢哋想加速喺呢個地區嘅發展。而騰訊就表示想將Ubisoft某啲大作引入中國，會以長期投資者嘅身份提供協助，唔會對Ubisoft嘅遊戲開發作出干預。嗱，股權問題解決咗，又準備搵大錢喇，係時候做返好啲，啲game del好bug先好推出嚟喇！
