Xbox One手掣地位受威脅？Steam宣佈將完美支援Nintendo Switch Pro Controller！

細佬我一直都講即使PlayStation明顯係吊住Xbox嚟打，Xbox嘅手掣設計真係無得輸，joystick不對稱先係最符合人體工學嘅設計。不過喺呢個討論裡面我哋一直忽視一個都係不對稱設計嘅手掣，講緊嘅就係Switch嘅Pro Controller！


一直都好少人會攞Pro Controller同Xbox One Controller比較，因為Pro掣插落電腦用要set嘅嘢仲煩過PS4手掣。但最近Steam官就證實喺最新一次更新將會支援Pro Controller，玩家只要加入Steam用户端測試版，喺"控制器設定"剔"Nintendo Switch配置支援"，就可以完美使用Pro Controller玩Steam嘅遊戲，有Switch嘅玩家喺玩Steam嘅遊戲嘅時候又多一個選擇！

但點解話Xbox One手掣受威脅呢？喺大家都係類似嘅人體工學嘅設計底下，Pro Controller喺唔少方面都好過Xbox One手掣。Pro Controller相對較軟嘅手柄觸感，比起Xbox One手掣硬弸弸，玩得耐真係Pro Controller真係舒服啲。另外Pro Controller嘅續航力同陀螺儀都係遠勝Xbox One手掣。不過Xbox One手掣有一個好重要嘅設計，係小弟依然覺得Xbox One手掣依然係好過Pro Controller，就係Xbox One嘅掣係比較圓滑，而Pro Controller係起角，玩動作game喺會捽掣嘅情況下，Pro Controller真係會玩到手指痛。