電競notebook就一定浮誇到不得了？其實佢同大家一樣都可以係禾稈冚珍珠！
作為一個電玩編輯，除咗講下Game嘅新聞，又會講下Marvel、DC；返工除咗寫文，悶悶地又會聽下歌、打下機，而家細佬我要求都唔低ww，所以對notebook嘅要求都幾高！你可能會問點解唔用desktop，大家都係香港人你冇理由唔明，土地問題囉，加上有時開live要自備電腦(唔好問點解，總之我要自備啦！)，所以咪索性揀部好啲嘅notebook。不過一般嘅電競notebook，包括細佬我用開嗰部，全部都重到喊TT，部機本身已經成3kg，仲要加埋隻打得死人嘅火牛，分分鐘我揹部迷你主機都輕過佢。不過我成日都喺度諗，又要擺得落張顯卡，又要RGB Keyboard，又要個喇叭有返咁上下，都幾難做得薄同輕。而且一般電競notebook都有好多浮誇嘅design，如果平時用，或者我帶去比賽嘅話真係型嘅，但攞返公司就……
好啦，不得不承認我真係睇少咗科技嘅發展，今日細佬我有得玩下部MSI GS65 STEALTH THIN 8RF，我攞起手嗰下真係呆咗，心諗有冇俾錯機我呀，咁細部、咁輕嘅？一開始就咁睇部機嗰樣覺得無乜特別，咪得MSI個Logo，不過sell輕、sell薄，反而咁先啱數，因為每一個多餘嘅design都會加重部機，簡約嘅外觀先至符合返部機嘅設計概念。諗住就算部機做到薄，隻牛都唔得啦，吖，佢又真係連隻牛都做細咗、做輕咗，連埋部機都唔過2.5kg，呢啲先叫真係揹得出街架嘛！唔好以為佢機仔細細就俾得一兩個USB位你，之後再屈你俾錢買個dock，佢真係俾足你，3個USB-A+1個USB-C，4個都已經係USB3.1。HDMI、Mini-DP、LAN連接埠都有齊，真係正宗"麻雀雖少，五臟俱全"！
用得Laptop，其中一個原因就係貪佢唔使成日插住電，但另一面一唔插電就成日局住較暗個mon，歌都唔敢聽，真係驚續航力低、唔用得耐。呢部GS65 STEALTH THIN 8RF又幾好喎，差爆電正常用都用到成8個鐘，如果純粹帶出去做個訪問，唔帶隻牛都無問題。當然，你要打機就另計，唔插電要打到機打足8個鐘，舊電本身都唔會輕啦ww。除咗續航力唔差之外，機仔細細散熱都做得幾好，而且都唔算嘈，偷偷地打機都唔會令到老細起疑心ww。
講到部機又細又輕，咁個mon實係細啦，又唔係喎，都係標準嘅15.6吋mon，不過個邊框只係得4.9mm，屏佔比達到82%！雖然就唔係2K、4K mon，都係標準嘅Full HD IPS mon，但實際上佢係內有乾坤，144Hz Refresh Rate、7ms Respond Rate，市面上唔多notebook會用到呢個規格，而且我要強調一次，佢真係好輕好薄！另外部機配備True Color 2.0技術，本身就設定咗5款唔同色調俾你揀，眼不離mon嘅開個防藍光mode、返工長時間對住啲字就開個Office mode、整圖想睇返最接近原色開個sRGB mode、睇片就轉返個Movie mode、打機又可以轉做Gamer Mode，總之總有一個啱你用啦！
CPU用Intel i7-8750H，原廠配備16GB DDR4，唔夠仲可以插多條16GB，顯卡就用到Nvidia GeForce GTX 1070 8GB GDDR5，打機、開Live都綽綽有餘！不過講到打機，除咗個mon，Keyboard同個喇叭都好重要。首先講講個Keyboard，RGB Keyboard就唔係新鮮事，但喺notebook都可以續粒掣揀色就真係好少，而GS65 STEALTH THIN 8RF就用到Steel Series單鍵RGB Keyboard，咁大家就可以將你打機常用嗰幾粒掣set做同其他掣唔同色，咁就唔怕撳錯隔離啦ww。另外有一點我想講上，基本上而家notebook都會有啲掣係一個掣當兩個掣用，而呢部機撳住Fn嘅時候只會得有第二功能嘅掣着燈，雖然唔係咩突出嘅功能，但其實好貼心。
最後就要講埋啲聲，喇叭用上丹麥頂級音響大廠Dynaudio技術，除咗夠大聲之餘，打機睇片都因為佢嘅貼近原音而有更真實嘅體驗。不過開頭都講咗揀notebook係因為土地問題，個喇叭幾好我都好少用到/.\，而且都話咗我會返緊工偷偷地打機，用喇叭就唔叫偷偷地啦ww，所以我更關心嘅係佢個耳機位。睇到佢有Hi-Res Audio都知佢唔會令我失望架喇，戴住個耳機聽住"So What"，我簡直覺得我對耳懷孕，講緊我只係用緊一個幾舊水嘅入耳式耳機(，當然我個耳機本身係支援Hi-Res)。
總括嚟講，MSI GS65 STEALTH THIN 8RF絕對係好有驚喜，有齊電競notebook必要嘅元素，聲、畫都做得好，而且唔止部機做得輕薄，連隻火牛都貫切輕薄嘅原則，做到真正帶得出街嘅感覺，而唔係重到喊、揹出街仲慘過擔泥。(同你講多樣吖，佢個mon可以180度展開，咁就唔怕打機卡關，炆到唔小心啪斷個mon啦ww)
好啦，不得不承認我真係睇少咗科技嘅發展，今日細佬我有得玩下部MSI GS65 STEALTH THIN 8RF，我攞起手嗰下真係呆咗，心諗有冇俾錯機我呀，咁細部、咁輕嘅？一開始就咁睇部機嗰樣覺得無乜特別，咪得MSI個Logo，不過sell輕、sell薄，反而咁先啱數，因為每一個多餘嘅design都會加重部機，簡約嘅外觀先至符合返部機嘅設計概念。諗住就算部機做到薄，隻牛都唔得啦，吖，佢又真係連隻牛都做細咗、做輕咗，連埋部機都唔過2.5kg，呢啲先叫真係揹得出街架嘛！唔好以為佢機仔細細就俾得一兩個USB位你，之後再屈你俾錢買個dock，佢真係俾足你，3個USB-A+1個USB-C，4個都已經係USB3.1。HDMI、Mini-DP、LAN連接埠都有齊，真係正宗"麻雀雖少，五臟俱全"！
用得Laptop，其中一個原因就係貪佢唔使成日插住電，但另一面一唔插電就成日局住較暗個mon，歌都唔敢聽，真係驚續航力低、唔用得耐。呢部GS65 STEALTH THIN 8RF又幾好喎，差爆電正常用都用到成8個鐘，如果純粹帶出去做個訪問，唔帶隻牛都無問題。當然，你要打機就另計，唔插電要打到機打足8個鐘，舊電本身都唔會輕啦ww。除咗續航力唔差之外，機仔細細散熱都做得幾好，而且都唔算嘈，偷偷地打機都唔會令到老細起疑心ww。
講到部機又細又輕，咁個mon實係細啦，又唔係喎，都係標準嘅15.6吋mon，不過個邊框只係得4.9mm，屏佔比達到82%！雖然就唔係2K、4K mon，都係標準嘅Full HD IPS mon，但實際上佢係內有乾坤，144Hz Refresh Rate、7ms Respond Rate，市面上唔多notebook會用到呢個規格，而且我要強調一次，佢真係好輕好薄！另外部機配備True Color 2.0技術，本身就設定咗5款唔同色調俾你揀，眼不離mon嘅開個防藍光mode、返工長時間對住啲字就開個Office mode、整圖想睇返最接近原色開個sRGB mode、睇片就轉返個Movie mode、打機又可以轉做Gamer Mode，總之總有一個啱你用啦！
CPU用Intel i7-8750H，原廠配備16GB DDR4，唔夠仲可以插多條16GB，顯卡就用到Nvidia GeForce GTX 1070 8GB GDDR5，打機、開Live都綽綽有餘！不過講到打機，除咗個mon，Keyboard同個喇叭都好重要。首先講講個Keyboard，RGB Keyboard就唔係新鮮事，但喺notebook都可以續粒掣揀色就真係好少，而GS65 STEALTH THIN 8RF就用到Steel Series單鍵RGB Keyboard，咁大家就可以將你打機常用嗰幾粒掣set做同其他掣唔同色，咁就唔怕撳錯隔離啦ww。另外有一點我想講上，基本上而家notebook都會有啲掣係一個掣當兩個掣用，而呢部機撳住Fn嘅時候只會得有第二功能嘅掣着燈，雖然唔係咩突出嘅功能，但其實好貼心。
最後就要講埋啲聲，喇叭用上丹麥頂級音響大廠Dynaudio技術，除咗夠大聲之餘，打機睇片都因為佢嘅貼近原音而有更真實嘅體驗。不過開頭都講咗揀notebook係因為土地問題，個喇叭幾好我都好少用到/.\，而且都話咗我會返緊工偷偷地打機，用喇叭就唔叫偷偷地啦ww，所以我更關心嘅係佢個耳機位。睇到佢有Hi-Res Audio都知佢唔會令我失望架喇，戴住個耳機聽住"So What"，我簡直覺得我對耳懷孕，講緊我只係用緊一個幾舊水嘅入耳式耳機(，當然我個耳機本身係支援Hi-Res)。
總括嚟講，MSI GS65 STEALTH THIN 8RF絕對係好有驚喜，有齊電競notebook必要嘅元素，聲、畫都做得好，而且唔止部機做得輕薄，連隻火牛都貫切輕薄嘅原則，做到真正帶得出街嘅感覺，而唔係重到喊、揹出街仲慘過擔泥。(同你講多樣吖，佢個mon可以180度展開，咁就唔怕打機卡關，炆到唔小心啪斷個mon啦ww)
