港隊和巴勒斯坦 攻守有待改善
香港隊啱啱喺亞運男子足球賽以1:1迫和巴勒斯坦拎到實貴一分，暫時拎到七分排第二，出線呼聲高唱入雲。
今場香港隊排出4132迎戰，後防用上余沛康、謝朗軒任兩閘，中堅由徐宏傑移入中路伙拍劉學銘；中場有列斯奧打6號防中負責掃蕩派牌，前面有林嘉緯、杜國瑜、胡晉銘負責中場串連同協防嘅工作，陳俊樂就繼續拍住佐迪衝鋒陷陣。
首先陣式方面略為保守，令到香港隊進攻嗰陣人數長期係唔足夠，亦無球員去拉邊善用球場闊動去進攻。今場教練郭嘉諾並無派出任何邊路球員，總之有乜波都直接轟上前場俾佐迪同陳俊樂去哨。前面長期得兩個球員，建立唔到啲乜攻勢，完全威脅唔到巴勒斯坦後防。好彩嘅係列斯奧之後受傷，逼住教練調動，教練派出鐘偉強之後進攻稍有改善，至少左面有人會拉下邊，陳俊樂亦可以顧少一面，淨係喺中間同右手面游走。亦係咁樣先構成下半場陳俊樂右路傳中俾林嘉緯撞入，追成平手。
防守方面球員落腳亦明顯有待改善，今場港隊多個球員都好多次都落腳時機出現問題，好多時唔理咩情況都照出腳。失波個下就係列斯奧突然間唔繼續迫對方球員落低線，無喇喇走去出腳，搞到對面球員可以輕鬆扭過佢。下場對手印尼嘅球員同樣速度快，港隊球員落腳出腳時機更加唔可以魯莽。
今場港隊1:1迫和巴勒斯坦背後，進攻同防守都仍然有問題可以改善。希望教練郭嘉諾同球員檢討之後，可以繼續進步，全力幫港隊共創佳績。
今場香港隊排出4132迎戰，後防用上余沛康、謝朗軒任兩閘，中堅由徐宏傑移入中路伙拍劉學銘；中場有列斯奧打6號防中負責掃蕩派牌，前面有林嘉緯、杜國瑜、胡晉銘負責中場串連同協防嘅工作，陳俊樂就繼續拍住佐迪衝鋒陷陣。
首先陣式方面略為保守，令到香港隊進攻嗰陣人數長期係唔足夠，亦無球員去拉邊善用球場闊動去進攻。今場教練郭嘉諾並無派出任何邊路球員，總之有乜波都直接轟上前場俾佐迪同陳俊樂去哨。前面長期得兩個球員，建立唔到啲乜攻勢，完全威脅唔到巴勒斯坦後防。好彩嘅係列斯奧之後受傷，逼住教練調動，教練派出鐘偉強之後進攻稍有改善，至少左面有人會拉下邊，陳俊樂亦可以顧少一面，淨係喺中間同右手面游走。亦係咁樣先構成下半場陳俊樂右路傳中俾林嘉緯撞入，追成平手。
防守方面球員落腳亦明顯有待改善，今場港隊多個球員都好多次都落腳時機出現問題，好多時唔理咩情況都照出腳。失波個下就係列斯奧突然間唔繼續迫對方球員落低線，無喇喇走去出腳，搞到對面球員可以輕鬆扭過佢。下場對手印尼嘅球員同樣速度快，港隊球員落腳出腳時機更加唔可以魯莽。
今場港隊1:1迫和巴勒斯坦背後，進攻同防守都仍然有問題可以改善。希望教練郭嘉諾同球員檢討之後，可以繼續進步，全力幫港隊共創佳績。