傑志勢大勝愉園 大埔一取態可與富力抗衡|守拙預測

球迷成個暑假無波睇，一定好餓波㗎喇！今個禮拜就終於抖完暑，港超聯重新開鑼，相信大家都會急不及待入場睇波！今季守拙將會就每一場香港本地頂級賽事進行預測，希望大家都可以支持，並且留言一齊討論你點睇場波！
Match day 1
8月30日
Game 1 20:00
傑志 vs 愉園
旺角大球場

今季聯賽開幕戰係星期五晚8:00，傑志喺主場旺角大球場迎戰升班馬愉園。

上季未能奪得聯賽冠軍嘅傑志，今季傑志雖然簽入基爾頓、蘇沙同洛迪古斯加強攻力，但係佢哋中場大將華度斯離隊，加上上季防線成日串窿兼人數似乎唔足夠下，中後場都冇乜新引援，中後場實力不足同人手短缺將會係佢哋新一季爭聯賽嘅障礙。首場比賽面對愉園，相信對方因為實力有啲差距下，會縮後黎踢，傑志後防應該唔會受到太大考驗，而以傑志嘅攻力絕對有足夠條件搞散愉園後防，所以傑志照道理可以輕鬆贏愉園。

愉園今季新升班，隊內大部份球員年青兼無超聯經驗。縱使簽入咗三名外援中堅增強球隊防守力，成隊波有唔少球員未感受過超聯節奏同氣氛，第一場就要面對班霸傑志，真係要唔輸都幾難！
守拙預計結果~傑志4:0愉園

Match day 2
8月31日
game 1 14:30
和富大埔 vs 富力R&F

星期六頭場會係今周焦點所在，上季聯賽冠亞軍嘅對碰，亦係伊高沙托尼倒戈戰！由面對大量主力流失嘅和富大埔，主場硬碰今季繼續招兵買馬嘅富力R&F。

今季大埔頭重腳輕，中前場人才濟濟有辛祖、勞高、金鈫基、陸志豪和孫銘謙等實力戰將;後防卻人才凋零，龍門有經驗的只有陸平中、正規中堅一個都沒有，甚至閘位要由許嘉樂客串，後防情況令球迷擔憂。大埔球隊軍容頭重腳輕情況下，沒有太好的防守能力，面對富力穩守不會是好的選擇，相信大埔取態會比較主動，以攻代守。

至於富力引入了伊高沙托尼後，還留用迪布尼、林志堅等人，攻力十足，加上己身防守力不欲，面對實力減弱不少的大埔，難免會大打進攻足球。

我預測今場雙方都會放開懷抱，大打進攻足球，相信會有不少埋門機會，建議大家一定要入場觀看！
守拙預測結果 大埔3:5富力