一張meme圖 反映香港球迷太無知需要學習
本身港超呢個星期最大話題莫過於一個星期竟然出現咗四場大屠殺，引起唔少球迷爭相關注港超聯賽中下游球隊水平。只係一張喺港超官方社交平台上載嘅Meme圖就打破咗一切，全世界嘅焦點居然間變成呢張Meme圖。一張Meme圖都可以爭拗一餐，反映部分球迷嘅思想有幾咁落後。其實呢一張Meme圖本身係無攻擊性，純粹係用黎表達呢個禮拜嘅賽果有幾咁驚奇，只不過用咗個比較接地氣方法演繹咁解。偏偏係有堆球迷，以至球員get唔到meme圖嘅玩法，認為足總官方喺社交媒體侮辱同嘲笑球員。當中最被值得關注係南區龍門謝德謙同「牛丸」陳婉婷公開喺社交媒體表達不滿。
其實要解讀張Meme圖容乜易啫？呢張Meme圖非常之公廁，只係用循序漸進方法，表達幾個令人意外嘅事實，張圖已經隨時喺網絡俾人用咗過億次，同侮辱人大欖都扯唔埋。為免有人真係唔明，以下就續格解釋。第一格就係解：「嘩！乜理文都可以同傑志一樣咁勁入到十球？」，第二格就係解：「哇？咩事呀？傑志居然間入到防守力強嘅南區七球？」，到第三格就講：「一個星期有成廿六個入波，好興奮呀！」，而最尾一張就純粹指出震撼嘅事實：「咩話？港會上榜首呀！！！」。成個meme圖，邊一部分有侮辱成份呢？
今次我覺得都幾搞笑，喺Facebook 有好多球迷都指責足總今次帖文，而相反instagram 嘅留言就相對上撐足總今次嘅做法，都幾明顯係世代之爭，或者代溝問題。上一代球迷仍然抱住舊有嘅價值觀，或者無跟上當今嘅網絡文化，所以一見到足總post呢啲唔係傳統資訊性嘅嘢就起哂鋼，甚至反問足總係咪俾黑客入侵。情況就好似上次足總邀請KOL許賢咁，人哋明明已經喺網絡世界撈到風山水起，但係可以有球迷老前輩話佢痴埋港足度扼知名度。你話笑唔笑大人個口呢？
香港足球要進步嘅何止係足總、球會同球員呢？球迷一樣要進步，唔好次次一見到「新嘢」就直接有負面情緒。港足主教練安達臣話要踢進攻足球，即刻就有港隊前隊長揶揄佢；足總話要搞VAR，又成班人話浪費錢；早排揾Gareth T合作，又有球迷問邊個黎？由此可見唔少球圈人士同球迷係幾咁無知，完全唔跟上潮流。根本上好多嘢人地外國晨早已經做哂，以德甲為例，人哋何止整Meme圖，人哋上季直情整卡通，將卡通化球員放埋一齊玩魷魚遊戲，片裡面仲要整死啲球員添。不如寫信去德甲話人哋公然侮辱球員，或者甚至話煽動球迷殺球員一笨！社交網站嘅嘢，何必太認真？足總官方社交網站帳號存在嘅意義，就係為咗吸引球迷關注香港波，整吓呢啲得意嘅Meme圖咪幾好。
其實要解讀張Meme圖容乜易啫？呢張Meme圖非常之公廁，只係用循序漸進方法，表達幾個令人意外嘅事實，張圖已經隨時喺網絡俾人用咗過億次，同侮辱人大欖都扯唔埋。為免有人真係唔明，以下就續格解釋。第一格就係解：「嘩！乜理文都可以同傑志一樣咁勁入到十球？」，第二格就係解：「哇？咩事呀？傑志居然間入到防守力強嘅南區七球？」，到第三格就講：「一個星期有成廿六個入波，好興奮呀！」，而最尾一張就純粹指出震撼嘅事實：「咩話？港會上榜首呀！！！」。成個meme圖，邊一部分有侮辱成份呢？
今次我覺得都幾搞笑，喺Facebook 有好多球迷都指責足總今次帖文，而相反instagram 嘅留言就相對上撐足總今次嘅做法，都幾明顯係世代之爭，或者代溝問題。上一代球迷仍然抱住舊有嘅價值觀，或者無跟上當今嘅網絡文化，所以一見到足總post呢啲唔係傳統資訊性嘅嘢就起哂鋼，甚至反問足總係咪俾黑客入侵。情況就好似上次足總邀請KOL許賢咁，人哋明明已經喺網絡世界撈到風山水起，但係可以有球迷老前輩話佢痴埋港足度扼知名度。你話笑唔笑大人個口呢？
香港足球要進步嘅何止係足總、球會同球員呢？球迷一樣要進步，唔好次次一見到「新嘢」就直接有負面情緒。港足主教練安達臣話要踢進攻足球，即刻就有港隊前隊長揶揄佢；足總話要搞VAR，又成班人話浪費錢；早排揾Gareth T合作，又有球迷問邊個黎？由此可見唔少球圈人士同球迷係幾咁無知，完全唔跟上潮流。根本上好多嘢人地外國晨早已經做哂，以德甲為例，人哋何止整Meme圖，人哋上季直情整卡通，將卡通化球員放埋一齊玩魷魚遊戲，片裡面仲要整死啲球員添。不如寫信去德甲話人哋公然侮辱球員，或者甚至話煽動球迷殺球員一笨！社交網站嘅嘢，何必太認真？足總官方社交網站帳號存在嘅意義，就係為咗吸引球迷關注香港波，整吓呢啲得意嘅Meme圖咪幾好。