陳肇鈞有獨特的走位技巧？

點解陳肇鈞尋晚咁多入球機會？除咗係狀態火熱之外，
佢嘅靚走位都十分重要。
佢好多時候都適當時候出現喺最有威脅嘅位置。

圖一係艾華頓用佢招牌菜攻入個人佢對文萊嘅第二球。雖然最終艾華頓無傳波俾陳肇鈞，但係佢企嗰個位，啱啱好就係無文萊球員理到佢嘅位。文萊有球員mark頭柱米高，而陳晉一都有人跟梗。如果艾華頓唔選擇自己射入，而係交出黎，陳肇鈞喺嗰個位都好有機會撞入。

至於佢入嘅兩球(圖二同圖三)，佢嘅走位都係非常乖巧，無論生球定係死球，佢都係走咗去遠柱去捕。咁文萊球員往往淨係關心咗企喺前柱嘅進攻球員，而忽略咗後面殺上黎陳肇鈞。

呢種走位都唔係第一次見㗎嚟，睇番佢上週超聯比賽（圖4），對流浪入嘅絕殺球，佢喺利馬同對手中堅馬相訓仲爭頂嗰陣就已經起步走定去遠柱，最終亦成功接應雷仙奴傳中，攻破流浪大門。

之前港隊成日都入唔到波，其中一個原因就係黃威同陳俊樂無做到陳肇鈞突然後上呢種效果。咁之然對手就好易防守前場三個進攻球員，希望陳肇鈞之後喺港隊有更多上陣機會啦。