回顧香港U23亞盃外吞烏兹別克U23十蛋 陳潤潼指世界很大 球員不能為本地賽事成就自滿！

陳潤潼在守拙Podcast One Fung Call Away形容自己頗為滿意去季在香港U23港超季初的表現，但季中則狀態下滑，直到季尾表現再次穩定起來，他認為整體來說僅可以說是合格。今季轉投冠忠南區後，他明白自己需要與其他防守球員競爭爭取出場機會，但他卻表示主帥楊正光執教風格和戰術都與香港U23教練司徒文俊相近，反而前任香港U23主帥張健峰就與他們不同：「張sir教波就會執啲個人嘢多啲，執啲個人行為、細微動作，而司徒sir同光sir可能執成隊整體嘢多啲。」
香港U23代表隊去年在亞洲盃U23外圍賽慘敗伊朗和烏兹別克，適齡的陳潤潼也有隨隊出發參與其中。他認為球隊與伊朗實力差距並沒有想像之中那麼大：「伊朗嗰場其實自己覺得差距唔係大，人地可能係快啲、大力啲、大隻啲，但係技術各方面就...其實如果唔係我哋自己犯錯，我自己覺得有機會和到。」

可是另一場面對烏兹別克一役吞十隻光蛋的震撼教育，他就認為對手是真正的強隊：「雖然睇番好多都係我哋犯錯，但係對手贏力、速度、戰術，乜都贏，又硬淨。有陣時陰濕位又贏，總之贏哂啦！呢隊烏豬（烏兹別克）都好強...老實講。」陳潤潼補充明白所謂十球差距是可以避免，但烏兹別克U23真的是比港隊強。

經歷過亞洲盃U23外圍賽被外隊血洗後，陳潤潼強調本地球員不應在本地賽事有成就便自滿：「因為出面世界真係好大，你見到其實呢隊烏豬（烏兹別克），有一個已經踢梗法甲。」他認為香港本地賽事很難與其他高水平賽事比較，不能有滿足的心態，必定要時刻推動自己。
全集podcast: https://youtu.be/e-YHDV0Ayjs?si=pSJHENqKLqYk0cTB